Binilin ni Baguio City Mayor Benjamin Magalong ti Public Order and Safety Division (POSD) nga aksyunan dagitoy dagiti basura a naiwarwara kadagiti kangrunaan a kalsada ken highway iti siudad.
Daytoy ket kalpasan iti random inspection daytoy ita a malem kadua dagiti nagduduma nga opisina kas iti Public Order and Safety Division, Baguio City Police Office, Health Services Office, ken Permits and Licensing Division Office.
Gapu kadagiti naimatangan a basura kadagiti igid ti kalkalsada, inbilin ni Mayor Magalong ti strikto a panangipawil iti panagparada kadagiti kangrunaan a kalsada iti siudad ken paset ti Marcos Highway.
Impettengna mangrugi ita, strikto nga imonitor dagiti otoridad ti no-parking policy kadagiti kangrunaan a kalsada ken mapatawan ti pannusa dagiti aglabsing iti daytoy.
Ginuyugoy met ni Mayor Magalong ti publiko a pagtalinaeden ti kinadalus iti siudad babaen iti panagtulnog kadagiti ordinansa, umno a panangidispose kadagiti basura ken panakipaset kadagiti nagduduma a programa iti siudad para iti nalinlinis ken nataltalged a siudad. //bombokaren.c.sapirao
