BAGUIO CITY – Naipila ti kaso nga oral defamation kontra iti Kapitan ti Lower Lourdes Subdivision Barangay a ni Florante Romero Sapitula ken ti agdama a mayor iti Baguio City.
Malaksid iti dayta, kaso nga Slight physical injury ken treath ti naipila kontra iti body guard ti Mayor a saan pay a nabigbig.
Maibasar iti report ti pulisya, inpila daytoy ti maysa a sound system provider a nabigbig a ni Paolo Dela Cruz manipod San Fabian, Pangasinan.
Iti salaysay ti complainant, binugkawan ken intudotudo ti kapitan bayat a ti mayor ket pinagsaoanna daytoy iti dakes a sarita ken ti nadakamat a bodyguard ti mayor iti nangdanog iti tiyan daytoy ken nangipakita iti paltog.
Naamuan a nagramot ti insidente gapu iti sound system a maatap a saan nga impaaramat ti complainant iti grupo ti mayor a sumaruno nga agsao iti maysa nga event sadiay Upper Quezon Hill.
Sigun iti complainant, naidulinda dagiti kagawaanda gaputa pasado alas-dies iti rabbii idi simmangpet ti grupo ti mayor isut gapu nga uray ti maysa pay a naudi a kandidato ti kina-konsehal ket nagbitla nga awan usarna a mikropono.
Nupay kasta, naklaat ti complainant idi immasideg kenkuana ni Sapitula nga agung-unget iti panang-iddepda iti sound system a saan pay a nalpas a nagsao ti mayor agingga a napasamak ti panangbugkaw, ken panangitudo ti kapitan; panangsasao ti mayor kasta metten iti panangdanog ken panangipakita ti bodyguard ti mayor kenkuana.
Kabayatanna, inlawlawag ti mayor ti nagwaras a video mainaig iti panagsinnungbat dagiti barangay officials ken maysa a sound system provider a nakairamanan daytoy.
Sigun iti Mayor, naimbitaran daytoy nga agsao para iti selebrasyon ti anibersaryo ti Barangay Peace Action Team sadiay Upper Quezon Hill Barangay.
Nupay kasta, awan ti microphone a maaramat kalpasan a naidulin dagiti nasao a kagawaan rason iti panangisakit ti Barangay Captain kenkuana a nangitunda iti panangsitarda iti sound system provider.
Nagresulta met daytoy iti nabara nga argumento iti nagbaetan dagiti dua.
Kagiddan iti dayta, impetteng ti Mayor a saan a daytoy ti nangrugi iti apa a kas iti maibagbaga kadagiti agwarwaras a video iti social media ken iyunay-unayna nga nag-anawa laeng daytoy.
Iti baet dayta, kinunana a nagsao wenno nangipaay latta daytoy ti mensahe iti nasao nga event uray awanan daytoy iti microphone.
Kabayatanna, nagpalawag ken nagkiddaw metten iti dispensar ti Barangay Captain a karaman iti insidente.
Malaksid iti dayta, napaayaban ti kapitan iti BCPO Station 1 tapnu makailawlawag ken makaipaay met iti bukodna nga statement iti napasamak.
