--Ads--
Mangidiaydiaya ti P50,000.00 reward ti mayor ti San Manuel, Isabela iti asinuman a makaisuro ti suspek iti pannakapapatay ni Miss Philippines-Earth runner-up Lullete Jane Ramilio-de Guzman.
Sigun kenni Mayor Faustino “Dondon” Dy IV, mabalin nga asitgan daytoy dagiti asinuman nga makin-ammo iti ayan ita ti suspek wenno umasideg dagitoy kadagiti kapulisan.
Inyebkasna met ti pannakipagladingitna iti pamilya ti 32-anyos a beauty queen ken maysa met laeng a mannursuro.
Maipalagip a napaltugan ni Lullete Jane Ramilio-de Guzman iti asideg iti pagtaengan daytoy rabii ti Pebrero 13 no sadino nasaksian pay daytoy dagiti tallo nga annak na.
Mannarimaan meten ti imbestigasyon ti kapulisan seknan iti nasao a pasamak. // Bombo Karen Calpoe Sapirao
