Nakemmeg ti 31-anyos a babae aka “Mace”, maysa a beautician, residente sadiay Monterasas, Itogon, Benguet ken tubo sadiay Salapadan, Abra babaen iti drug buy bust operation nga impatungpal ti Regional Police Drug Enforcement Unit (RPDEU) ti Police Regional Office-Cordillera (PRO-CAR) idi August 27, 2026 idiay Brgy Imelda R Marcos, Baguio City.
Ti suspek ket maysa metlaeng nga Street level individual (SLI).
Nakumpiska manipud iti suspek ti agarup lima a gramo ti maatap a shabu nga adaan iti Standard Drug Price a PhP 34,000.00.
Malaksid ti dayta, nakumpiska metlaeng manipud kenkuana ti selpon ti biktima, kinse a piraso ti P1,000 bill a boodle money, maysa a piraso ti genuine P100 bill ken maysa a genuine P500 bill.
Balligi ti nasao nga operasyon babaen ti Regional Police Drug Enforcement Unit (RPDEU) – Police Regional Office-Cordillera (Lead Unit), Regional Inteligence Division – PRO CAR, Baguio City Police Office Station 5, City Drug Enforcement Unit , City Intelligence Unit ken Regional Intelligence Unit 14.
Sumango met ti suspek iti kaso a pananglabsing ti RA 9165 wenno Comprehensive Dangerous Drugs of 2002.
Kabayatanna, iti impormasyon a nakalap ti Bombo Newsteam, saan laeng nga ita a gundaway a natiliw daytoy gapu ti panaglabsingna ti isu metlaeng a kaso no sadinno karkaruar laeng daytoy iti baludan iti bulan ti Mayo ngem nakemmeg manen daytoy ita a bulan. // via Bombo Noveh Organo