Naireklamo ti maysa a babai nga adaan iti ligal nga edad ken residente ti barangay San Vicente, Baguio City gapu iti kaso daytoy nga “estafa.”
Nabigbig met ti biktima a lalaki, 48-anyos, OFW ken residente sadiay San Fernando City, La union.
Maibasar iti report ken imbestigasyon ti pulisya, agpada nga overseas filipino workers (OFW) ken agam-ammu dagitoy sipud idi dosmil dise otso.
Ti complainant ken ti suspek ket agkatrabaho sadiay Abu Dhabi, United Arab Emirates (UAE) ken nagtultuloy ti panag-pagayam dagitoy iti laksid a nagsublin iti pagilian ti suspek
Ti complainant ket adaan iti karugrugi wenno kaluklukat a gold jewelry business ken ditoy a nagbalin kas reseller ti mairekreklamo.
Nagtulag dagitoy nga isubli ti babai ti retail price dagiti gold items bayat a ti market profit ket bagina.
Iti panagbakasyon ti biktima wenno complainant iti apagbiit iti Pilipinas ket nangipaay daytoy ti sangapulo ket walo a pidaso ti nagduduma a gold jewelry items iti mairekreklamo a babai nga adaan ti gatad nga P88,535.
Nupay kasta, saan a nagtulnog ti babai iti katulagan dagitoy iti biktima.
Gapu iti dayta, ti complainant ket nairefer iti maysa a prosecutor para iti regular filing.//Bombo Noveh Organo
