Nadangran ti 17-anyos a yellow belter iti taekwondo kalpasan a mapapati nga inset-up ti coachna daytoy iti nataytayag ken nadagdagsen a lalaki a black belter.
Maibasar iti report, nagsagrap ti biktima ti nakaro a sugat iti matana ken iti rupana.
Gapu iti dayta, na-confine daytoy iti ospital.
Patien ti pamilya ti nasao a biktima nga inaramid daytoy ti coach gapu iti panagselosna agsipud ta mapatta-patta nga adda ti panagayatna iti nasao a biktima.
Kabayatanna, napilaanen ti kaso ti nasao a coach gapu iti panaglabsingna iti Republic Act No.7610 wenno ti Special Protection of Children Against Abuse, Exploitation, and Discrimination Act.
Iti agdama, agtultuloy ti imbestigasyon iti nasao nga insidente bayat a nasuspinder dagiti taekwondo team’s training sessions kasta met dagiti coaches dagitoy.
