Naidarum ti maysa a babai nga Australian national gapu iti panangsabidongna ti maysa nga ubing ken mapapati a nangipablaak kadagiti video ti maladaga nga agsagsagaba iti online tapno makaala ti “viewers” ken donasion manipod iti publiko.
Nabigbig ti babai nga agtawen ti tallo pulo ken mapapati nga impaayanna ti maladaga ti agas a saan nga otorisado ti doktor wenno saan nga inaprobaran dagiti eksperto iti salun-at, sigun iti Queensland Police idiay Australia.
Sigun kadagiti kameng ti pulisia, mapapati nga inaramid ti babai ti panangsabidong manipod idi Agosto a sais agingga Oktubre a kinse idi napalabas a tawen.
Daytoy ket manipod metlaeng kadagiti medical staff iti ospital a nakaadmitan ti ubing.
Iti panagsukimat dagiti otoridad, ken pannakaipasidong iti “test” para kadagiti agas a saan nga otorisado, nagpositibo ti resulta idi Enero a siete ken dagos a nakemmeg ti babai ita nga aldaw.
Naidarum ti suspek iti lima a kaso a “preparation to commit crimes with dangerous things,” tallo a kaso ti “preparation to commit crimes with dangerous things,” ken maysa a kaso ti “torture,” “making child exploitation material” ken “fraud”.
Naituding nga agparang ti babai iti korte idiay Brisbane Magistrates inton bigat, Biernes.
