Agtultuloy ti search ken rescue operations ti India coastguard kalpasan a limned ti barko a nagluganan ti 24 a crew member iti baybay a masakupan ti India idi Agosto 23, 2026.
Sigun kadagiti otoridad, dua a Chinese nationals paylaeng ti naispal.
Impakaammo dagiti Chinese seafarers a limned ti barko nga Ocean Winners iti las-ud laeng ti walo a minutos.
Gapu iti dayta, inkapilitan nga inabadona dagiti crew ti nasao a barko.
Sigun iti director general ti India Maritime Administration a ni Shyam Jagannathan, nababa ti tsansa a makabirukda iti dadduma a nakalasat kalpasan ti 12 nga oras nga operasyon.
Nupay kasta, impasiguradona ang agtultuloy ti panagbiruk dagiti rescuers.
Karaman kadagiti crew a mapukpukaw ti 18 a Chinese nationals, tallo a Myanmar nationals ken maysa a Bangladeshi.
Iti inisyal nga imbestigasyon, imet ti Ocean Winner ti iron ore manipud sadiay India ken paturong sadiay China.
Limned daytoy iti 240 nautical miles manipud iti makindaya a sangladan ti Paradip sadiay India.
Saan paylaeng a naduktalan ti makagapu iti pannakalned ti nasao a barku.