BAGUIO CITY- Pimmusay ti maysa a body ti Bise Mayor ti Pilar, Abra kasaruno iti maatap nga ambush kadakuada iti nasao a lugar.
Sigun iti Bise Mayor, paawid dagitoy a nagtaod iti munisipal hall idi napasardengda iti maysa a spot checkpoint.
Nupay kasta, kinunana a pinagpag dagiti nangisayangkat iti checkpoint ti luganda rason tapnu timmaray dagitoy.
Malaksid iti dayta, nangipeksa ti bise mayor iti panagbuteng kadagiti otoridad.
Innayunna a mamati daytoy nga adda iti pakainaigan ti napasamak kadakuada iti agdama nga eleksyon.
Kabayatanna, pinaglibakan ti Cordillera PNP ti maatap a harassment ken impettengda a lehitimo ti naisayangkat a hot-pursuit operation kadakuada.
Maibasar iti pammalawag ti PNP, nangisayangkat ti Pilar MPS ken RMFB15 iti checkpoint operation idi pinarada ti van a naglaon kadagiti saan a nabigbig nga indibidual.
Nupay kasta, saan nga inkankano ti driver ti lugan dagiti pulis ken intarayanda ti checkpoint.
Dua met a kameng ti RMFB 15 ti nagserbi kas rear security ti dinungpar ti nasao a lugan.
Dagus met a kinamat ti police mobile ti van ngem napaputok iti paltog dagiti nakalugan kontra iti pulis.
Gapu iti dayta, naipatungpal ti hot pursuit operation nu sadino, nagderetso wenno naglibas ti nasao a lugan iti compound ti bise mayor ti Pilar, Abra.
Iti agdama, awan pay ti pakabigbigan ti naipadamag a pimmusay gapu iti insidente.
