--Ads--
BAGUIO CITY – Nakemmeg ti maysa a construction worker iti operasyon nga inpatungpal dagiti kameng ti otoridad sadiay Mananao, San Manuel, Isabela gapu iti kaso daytoy a rape.
Nabigbig daytoy a ni Rico Laban JR y Bernardo, 26-anyos, baro, ken residente ti Casigayan, Tabuk City, Kalinga.
Nakemmeg ni Bernardo babaen iti bileg ti warrant of arrest nga imapulog ti maseknan a Korte.
Narekomendaran daytoy iti P200, 000 kas piansa iti temporaryo a pannakawaya-wayana.
Iti agdama, agtaltalinaed ni Bernardo iti Tabuk CPS para iti umno a dokumentasyon sakbay a maipaima iti issuing court.
