Nangipila ti patong-patong a kaso pakairamanan ti cyberlibel ken copyright infringement ti maysa a journalist manipud Davao City kontra iti maysa a prosecutor ti International Criminal Court (ICC) nu saan daytoy a mangiruwar iti public apology.
Iti maysa nga Affidavit of Denial , binabalaw ni Ben Jason Tesiorna, maysa a journalist manipud Davao, ti panagpresenta ni International Criminal Prosecutor Julian Nicholls iti maysa a CCTV video a naipresenta iti Confirmation of Charges kontra kenni sigud a president Duterte.
Impetteng ni Tesiorna nga isuna ti nagala iti nasao a bidyu iti Disyembre 19, 2013 iti masya a media showcase ti Davao ken awan ti permiso manipud kenkuana a maaramat daytoy iti broadcast.
Inakusaran met ti journalist ni Nicholls iti misinterpretation ken illegal tampering gapu iti panangnayonna iti English subtitle ti video tapno parwaren a konektado daytoy iti kaso a sangsangwen ti sigud a presidente.
Inlawlawag pay ni Tesiorna a ti naiparang nga insidente iti CCTV ket playback laeng ti nalpasen a krimen ket saan a napasamak iti real-time. Isu’t gapunna nga awan ti nangresponde nga opisyal.
Kinnidaw ni Tesiorna iti International Criminal Court I a bilinenda ti ICC Prosecutor a mangi-issue ti public apology gapu iti misrepresentation ket ikatenda ti video iti court registry.
Innikanna ti nasao a prosecutor agingga ita nga aldaw tapno mangiruwar iti Public Apology sakbay a mangipila daytoy iti kaso. //BomboKCS
