LA TINIDAD, BENGUET| Nakemmeg ti agtawen iti 37 a lalaki, maysa a dispatser, single, street level individual, tubo ken residente iti munisipyo ti Itogon, Benguet idi March 05, 2026.
Naarestar daytoy babaen iti buy-bust operation a naipatumgpal sadiay Barangay Betag, La Trinidad Benguet.
Nakumpiskar manipud iti suspek ti dua a pidaso ti heat sealed transparent plastic sachet a naglaon iti maatap a shabu.
Agdagsen ti nasao a droga iti agarup 0.98g ken addaan iti Standard drug price (SDP) a P6,664.
Malaksid iti dayta, nakompiskar manipud iti suspek ti maysa a genuine 1000 peso bill a buy-bust money, maysa a pidaso ti 100 peso bill ken maysa a cellphone.
Ti nasao nga operasyon ket indaulwan ti Drug Enforcement unit ti La Trinidad Municipal Police station (lead unit), RID, Regional Intelligence unit 14, Philippine Drug Enforcement Unit/ Provincial intelligence unit Benguet ken Philippine drug enforcement agency- CAR. //via Bombo Noveh Organo
