--Ads--

Nakemmeg ti maysa lalaki a.k.a “Mikie”, maysa a construction worker nga agtawen iti 49-anyos ken agdama a residente ti Pico, La Trinidad, Benguet babaen ti Buy-Bust operation a naipatungpal sadiay Pucay Village, Brgy. Bakakeng Norte, Baguio City ita a rabii, November 20, 2026.


Ti suspek ket nabigbig kas High Value Individual iti sidung iti PDEA CAR Target Listed.


Nakumpiska manipud iti suspek ti maysa a piraso ti heat-sealed transparent plastic sachet a naglaon iti maatap a shabu nga adaan timbang nga agarup lima a gramo ken adaan Standard Drug Price (SDP) a PhP34,000.00 (Subject of Sale).


Bayat ti nasao nga operasyon, naala pay ti kanayunan a tallo a piraso iti heat-sealed plastic sachet a naglaon iti maatap a shabu nga addaan ti timbang nga agarup kinse a gramo ken SDP a PhP 102,000.00 (Possession).


Iti pakabuklan, dumanon ti agarup baente a gramo ken gatad nga agarup PhP136,000.00 ti nakumpiska a maatap a shabu manipud iti suspek.


Malaksid ti dayta, nakumpiska metlaeng manipud kenkuana ti maysa a piraso iti genuine Five-Hundred-Peso (Buy-bust Money); 27 a piraso iti fake Five-Hundred-Peso (500) bills a naaramat kas Boodle Money; coin purse a nakaikabilan ti illegal a droga ken selpon.


Balligi ti nasao nga operasyon babaen iti PNP Drug Enforcement Group Special Operations Unit CAR (lead unit) katulunganda iti Baguio City Police Office Police Station 10 (BCPO PS 10), City Drug Enforcement Unit (CDEU) Baguio City, Philippine Drug Enforcement Agency CAR Baguio-Benguet Provincial Office (PDEA CAR) and in coordination with Regional Police Drug Enforcement Unit (RPDEU) Police Regional Office CAR, Regional Intelligence Unit 14 ken Philippine Drug Enforcement Agency Land Transportation Interdiction Unit (PDEA LTIU RSET Bravo).


Kabayatanna, ti suspek ket naiturnover metten iti Baguio City Police Office Police Station 10 (BCPO PS 10) para iti temporaryo a kustodiya.


Dagiti met drug evidence ket maiturnover iti Regional Forensic Unit (RFU) CAR, Camp Major Bado Dangwa, La Trinidad, Benguet para iti Qualitative Examination bayat a dagiti non-drug evidence ket adda iti kustodiya iti PNP DEG SOU CAR para ti umno a dokumentasyon ken disposisyon.


Sumango ti suspek ti pananglabsing ti RA 9165 wenno Comprehensive Dangerous Drugd Act of 2002. //via Bombo Noveh Organo