BAGUIO CITY – Napilaan iti kaso ti maysa a high-ranking public officer iti siudad gapu iti pangmaneho daytoy nga adda iti impluwensiya ti arak.
Sigun kenni Baguio City Police Office Director Police Colonel Ruel Tagel, nadungpar ti nasao nga opisyal ti maysa pay nga opisyal iti oras ti 9:10 p.m. idi Hunyo a dies iti agdama a tawen.
Naimatangan ti City Mobile Force Company ti nasao nga insidente rason nga inreferda ti nasao a banag iti Baguio City Police Office Police Station 7.
Iti panakaisayangkat ti imbestigasyon, napansin dagiti otoridad a ti high-ranking public officer ket nabartek rason a naipasidong daytoy iti Alcoholic Breath Test (AB Test) ken nagpositibo daytoy.
Daytoy ket naiturong iti Traffic Enforcement Unit-Baguio City Police Office para iti panagsangona iti kaso a Reckless Imprudence Resulting in Damaged to Property.
