Pimmusay ti maysa a kameng ti nalatak a media company bayat ti panag-cover wenno panagalada ti impormasion iti gubat idiay Ukraine, bayat a nadangran ti dua a journalist iti napasamak a panagatake ti hotel iti daya a siudad ti Ukraine ti Kramatorsk.
Nabigbig ti pimmusay a ni Ryan Evans, a mangmangged kas “safety adviser” iti kompania a Reuters.
Pimmusay daytoy kalpasan a natamaan ti Hotel Sapphire a nagtalinaedanna kas paset ti “six-person team” itay laeng kanikadua.
Bayat nga agpatpataming met dagiti dua a journalist iti ospital; maysa kadakuada ket serioso ti pannakadangranna.
Ni Evans, 38-anyos, ket sigud a suldado ti Britania ken mangmangged iti nasao a kompania sipud 2022.
Kabayatanna, dagiti tallo a kakaduana a nagtalinaerd iti hotel idi daydi nga aldaw ket natalged.
Sigun kenni President Volodymyr Zelenskiy, ti hotel ket pinuntiria ti Russian Iskander missile, maysa a ballistic missile a makabael a mangdadael iti kaaddayo a dumanon iti agingga that 500 km (310 milia).
Nangipaay metten ti pannakipagladingit ni President Zelenskiy kadagiti pamilia ken gagayem ni Evans.
Iti agdama, saan pay a makumpirmar ti nasao a kompania nu anya ken siasinno ti agtagikua ti missile a naipatayab iti hotel a nagtalinaedan ni Evans ken dagiti dua a journalist.
