Impaganetget ni Zamboanga City Congressman Kyhmer Adan Olaso a “permanent solution” para iti korapsion ti death penalty babaen ti “firing squad.”
Daytoy ket iti baet a ti gakat nga impilana ket maipapan iti pagimbagan dagiti “caregivers” ken dagiti media workers.
Sigun kenni Congressman Olasa, nasaysayaat ti death penalty babaen ti firing squad, saan a lethal injection gaputa saanda a marikna ti sakit, a wagas nga inaramat idi ti Pilipinas.
Kinunana pay a daytoy ket tapno agbalin a wake-up call kadagiti pulitiko.
Iti 19th Congress, dumanon iti lima a gakat ti naipila a mangikagkagumaan a maisubli ti death penalty para kadagiti nagduduma a krimen.
Agarup tallo a gakat ti agkidkiddaw iti pannusa nga ipapatay gapu iti plunder ken maysa met babaen ti firing squad, hanging wenno lethal injection.
Nupay kasta, nagbalakad ti Commission on Human Rights seknan iti nasao a gakat.
Sigun iti nasao nga ahensia, saan a marisut ti pakaseknan babaen iti pannusa a death penalty.
Maipalagip nga itay laeng kallabes, nagbalin a sentro ti damag ti death penalty babaen ti firing squad para kadagiti pulitiko, nga impila ni Congressman Olaso
