BAGUIO CITY-Naarestar ti maysa a lalaki kalpasan a nagtakaw ti cellphone kadagiti dua a turista itay agsapa.
Naarestar ti suspek, 40-anyos, naasawaan, tubo ken residente iti Bauko, Mt. Province.
Imununa a tinakawan ti suspek ni John Mark Lazo, turista manipud Montalban Rizal.
Tinakaw ti suspek manipud kenkuana ti maysa a yunit ti cellphone nga aggatad iti Php 16-k.
Kabayatanna, tinakaw pay ti suspek manipud iti biktima a ni Von Joseph Campita, manipud Rizal Montalban nu sadinno dinadael ti suspek ti tent dagiti biktima rason a naala na ti maysa a yunit ti cellphone nga agbalor iti Php 68-K.
Nupay kasta, nakemmeg ti suspek babaen iti tracker a naka-install iti cellphone ni Von Joseph Campita.
Addan ti suspek iti sidong ti BCPO Station 5 para iti pannakaipila ti kaso.//Tj Jaravata
