Inlawlawag ni Atty. Ronald Perez, legal luminary iti Baguio City, ti kapanunotanna iti pannakaiparang dagiti ebidensiya iti maikauppat nga aldaw iti impeachment trial ni Vice President Sara Duterte idi kalman, Hulyo 13.
Iti pannakiuman ti Bombo Radyo kenkuana, kinuna a naipakita ti kinapudno ken kinaserioso dagiti naiparang a video ni VP Sara no sadino ket makita dagiti saan a nasayaat a naisawang daytoy.
“Well, tatta nakita tayo a na-establish ni Atty. Lotoc… nga adiay nangyari, adiay video, ken adiay imbaga ni Vice President Sara Duterte ket serious ken real. Ti kayat na saoen, talaga a naaramid daytoy ket pudpudno nga adda naibaga a kasdiay a banag,” sigun iti abogado.
Imbinglayna a naibatay ti pannakaimbestigar ti National Bureau of Investigation (NBI) ti 4 factors kas iti delivery, literal meaning iti mensahe, nature of instruction, ken kasta met ti relasion iti nagbaetan iti dua a partido.
“Wen… they were actually discrediting it during the first witness, ket saanda a na-establish adiay pangdadael nga adiay ti testimonia,” innayonna pay ni Perez.
Impaganetgetna a saan a nagtuloy ti naan-anay nga imbestigasion maipanggep kadagiti alegasion a pangta iti biag ni VP Duterte gapu ta saan a nagparang daytoy iti imbistigasion, isu a nagkurang ti basaran tapno maimbestigaran ti nasao nga alegasion.
“They were trying to discredit daytoy nga witness… inbaga iti witness nga indeed, they have invited the Vice President to give light idiay nangyari nga alleged threats to the life of Vice President ket saan met a nagparang,” sigun kenkuana.
Impettengna metlaeng a saan a bimbaba ti kredibilidad ti imbestigasion gapu laeng iti typographical error kadagiti petsa dagiti dokumento, ta inlawlawag ni Atty. Lotoc a maysa laeng a typo ti kamali gapu pay laeng ta agsasaruno ken ado ti subpoena a naipila ti ahensiada kabayatan iti imbestigasyon.
Patienna pay a saan laeng a basta emosion ti rason no apay a naisawang ni VP Sara dagiti imbagana.
“It is not just an outburst of emotion, saan lang a spur of the moment nga activity… all of those things, they have evaluated to come up with the conclusion a serious and real dagijay threats a naaramid,” kunana.
Kabayatanna, para ken Atty. Perez, mayat ti estratehiya ti prosecution team idi kalman ta rinugianda ti panagdengngeg babaen iti pannakaiparang dagiti na-authenticate nga ebidensiya ken nailawlawagda ti proseso iti pannakaala dagitoy.
“Nagpintas adiay strategy ti prosecution. First, inunada atoy easiest case para talaga ma-establish nga adda ti naglapsinganna adiay impeachable officer… immuna ket na-authenticate da adiay ebidensiya, second naikkanda iti bagas daytoy nga ebidensiya, third makitadan to dagitoy by the presentation of Atty. Lopez,” sigun kenni Perez.//BomboKhey
