Boluntaryo nga insurrender ti maysa a babae, agtawen iti 35 , ken residente iti Ambiong, Aurora Hill, Baguio City, ti maysa a loose firearm iti Baguio City Police Office Station 6.
Ti nasao a firearm ket maysa a Colt Detective Special caliber 0.38 revolver nga awan ti ammunition na.
Maibasar iti report, kukua ti lolo ti babaae ti nasao nga armas.
Iti agdama, addan iti sidong dagiti otoridad ti nasao nga armas para iti umno a dokumentasyon ken disposition.
Kabayatanna, nagpalagip ti pulisya kadagiti residente nga agtulnog kadagiti pagalagadan maipapan iti panangtagikua kadagiti armas.
Kasta metlaeng a nagballaag dagitoy nga ipakaammo ken isurrender kadakuada dagiti saan a rehistrado wenno loose firearms tapno maliklikan dagiti posibleng pannakadangran ken panagusar kadagitoy iti krimen. | via Bombo Khey Reparip
