--Ads--
BAGUIO CITY – Addan iti natalged a kasasaad ti maysa a mannalon kalpasan a natnag iti naglugananna iti maysa a derraas sadiay Calasipan Catubo, Atok Benguet.
Maibasar iti report, nagtaod ti lugan nga imanmaneho ti biktima sadiay La Trinidad, Benguet paturung sadiay Buguias.
Nabigbig daytoy a ni Rex Mauricio Dap-ing, 26 anyos, ken residente ti Buguias, Benguet.
Iti imbistigasyon, naawanan ti kontrol ti biktima iti imanmanehona a lugan gapu iti kinagalis ti kalsada nga intunda iti panagtudtudo agingga naidungpar iti road barrier ken nagderetso daytoy iti nasao a derraas nga addaan kauneg a 200 meters.
Naitaray iti Atok District Hospital ti biktima para iti dagus a pannakataming daytoy.
