--Ads--
Pimmusayen idi nadanonan dagiti bumbero ti lima nga indibidual iti maysa a residential building idiay Rigga, Kuwait kalpasan a nauram dagitoy iti pagnanaedanda idi kalman.
Sigun kenni Brigadier General Mohammed al-Gharib, pannakangiwat ti fire brigade, ti uram ket nagtaud manipod iti dua nga apartamento iti nasao a lugar.
Tallo a bangkay ti nasarakan iti nakapasamakn ti insidente bayat a dua pay ti pimmusay iti pannakadangranda iti ospital.
Adu metlaeng nga indibidual ti nadangran, ken nagballakad ni Gharib a mabalin a ngumato pay ti bilang dagiti pimmusay gapu iti kinakaro ti sumagmamano a pannakauram a nasagrapda.
Iti agdama, agtultuloy paylaeng ti imbestigasion tapno maamuan nu ania ti rason ti uram.
