Nangipila ti mammanday-linteg ti maysa a gakat nga agbalin a “criminal” ti “fake news.”
Insingasing ni reelected Cagayan de Oro City 2nd District Rep. Rufus Rodriguez ti House Bill (HB) No. 11506, nga addaan panggep nga agbalin a criminal lti pannakaiwaras dagiti peke a damag, nangruna dagiti palso nga impormasion a mangdadael iti urnos ti publiko wenno seguridad ti pagilian.
Sigun kenni Rodriguez, numan pay garantisado ti karbengan ti freedom of speech ken expression a nakalanad iti Konstitusion, kinunana a saan daytoy nga “absolute.”
Nadlaw ni Rodriguez nga iti napalpalabas a tawen, ti panangiwaras iti “fake news” nangruna kadagiti digital platforms ken artificial intelligence ket rimsua kas pangta iti demokrasio ken ti kinatalged ti pagilian.
Napaliiw ti nasao nga opisial a dagiti agdama a linteg, agraman ti Revised Penal Code ken Republic Act No. 10175 wenno ti Cybercrime Prevention Act, ket saan nga umdas a mangrisut iti agbaliwbaliw a panawen ken epekto dagiti malicious disinformation campaigns.
