Pimmusay ti maysa a minero sadiay Underground, Philex Mines, Camp 3, Tuba, Benguet itay laeng nabiit gapu iti nag collapse nga stockpile ti naba.
Ti biktima ket maysa a lalaki, agtawen iti 40, naasawaan, tubo ti San Gabriel, La Union, ken residente sadiay Tuba, Benguet.
Maibasar iti inisial nga imbestigasyon, mangmangged ti biktima ken ti kadua daytoy idi simmardengda ti archgate ti chute wenno ramp.
Nilukatan ti biktima babaen iti prying bar a nangitunda iti pannakatnag dagiti stockpile ti naba a nanggabor kenkuana idiay catwalk ti conveyor area.
Na-retrieve met ti bagi ti biktima babaen kadagiti minero ken dagus daytoy a naitaray iti pag-agasan ngem naideklara daytoy a dead on arrival.
Kalpasan ti nasao mga insidente ket naireport met daytoy iti management ti Philex Mines ken Tuba Municipal Police Station.//Bombo Genzel Depayso