Naisurrender iti Tuba Municipal Police Station ti maysa a nasarakan a loose firearm itay laeng nabiit.
Ti nasao nga igam ket naduktalan ti maysa a lalaki, 55-anyos, addaan iti asawa, entrepreneur, tubo ken residente sadiay Upper Poblacion, Tuba, Benguet.
Kalpasan a naduktalan ti lalaki ti nasao nga igam, dagus na met daytoy nga inyuman iti kameng ti pulisya.
Nagturong met dagiti kameng ti pulisya iti pagtaengan ti nasao nga indibidual ken naipaima kadakuada ti maysa a caliber 22 rifle nga awanan iti serial number, markings, ken ammunition.
Sigun iti lalaki, nakitana ti nasao nga igam idi manarimaan ti panagrenovate daytoy ti stock room nga inaramat daydi tatangna idi napalabas a baente a tawen.
Gaputa ammona ti agbalin a “consequences” wenno mapasamak nu adda iggem a paltog, nagdesision daytoy nga isurrender ti nasao a banag kadagiti kameng ti pulisia.
