BAGUIO CITY – Sisasagana ti maysa a pagadalan a mangisayangkat ti adjustments kas iti blended learning apaman a mapasaran ti nakaro a panagbalbaliw ti kinabara ti panawen iti siudad.
Iti interview ti Bombo Radyo kenni Whitney Dawayen, Principal ti Baguio City National High School, mangisaysayangkat dagiti advisers iti proyekto a panakaipasdek dagiti equipments kas iti electric fan iti uneg ti classrooms partikular dagiti agkurkurang ti ventilations.
Inlawlawag ni Dawayen nga adda ti school uniform nga ial-allukoyda kadagiti estudyante ngem saan a mandatory, ti napateg ket komportable ti aramatenda a kawes ken saan a makitkita ti paset ti bagi dagitoy nga agadal.
Innayona met a saan nga agsasabay ti break time dagitoy tapno maliklikan ti panagdupadop ken mawayaan dagiti estudyante kasta met nga accessible ti panaggarawda iti campus, ken maakomodar dagitoy a nalaing.//Bombo Marinel Rodrigo
