Pimmusay ti maysa a piloto iti panagtennag ti helicopter bayat a manarimaan ti panagsebsebna ti uram a nagramaram iti southeastern city ti Daegu, Yonhap idiay South Korea idi kalman.
Iti interview ti Bombo Radyo kenni Ruel Toquero, Bombo International News Correspondent, kinunana a napasamak ti panagtenneg iti 3:41 ti malem.
Ti biktima ket nabigbig nga agtawen ti pito pulo.
Iti agdama, manarimaan paylaeng ti panangduktal dagiti otoridad ti rason ti panagtennag ti helicopter.
Maibasar iti datos, daytoyen ti maikadua a gundaway a nagtennag ti helicopter a maar-aramat iti panagsebseb ti uram idiay South Korea.
Maipalagip nga idi Marso 26, maysa metlang a helicopter ti maar-aramat iti panagsebseb ti uram ti natnag ken nakatayan ti maysa metlaeng a piloto nga agtawen ti pito pulo.
Iti kalman, balligi a nasebseban ti uram iti nasao a lugar.
