Nag-viral ti maysa a Pinay kalpasan a naduktalan a ti estatwa a daydayawenna iti tunggal aldaw iti uneg ti uppat a tawen ket saan gayam a Buddha nu diket maysa a 3D-printed a rebulto ni Shrek.
Iti social media post, ginatang ti babai a nagnaed idiay Manila ti ‘green’ nga estatwa iti maysa a lokal a paggatangan iti pammati a daytoy ket ni Buddha.
Gapu iti bilog daytoy a langa ken kalmado nga itsur, inkabilna daytoy iti altar iti pagtaenganda ken inaldaw a mangipapay iti insenso ken agkarkararag.
Naamuanna laeng ti kinapudno idi nadlaw ti maysa a gayyemna a bimmista a naidumduma ti maris ken langa ti estatwa, a nabigbigna a ni Shrek, ti fictional a ‘green ogre’ manipud iti animated film. Imbes a makaunget, kinatawaan laeng daytoy ti babai ken kinunana nga ad-adda a napateg ti naimpusuan a kararag ngem ti langa ti daydayawenna.
Ti nasao a banag ket dagos a nagwaras iti online, a nakaala ti nagduduma a reaksyon manipod kadagiti netizen.
