Binabalaw ti maysa a mental health expert ni Senator Robin Padilla kalpasan iti panangawag daytoy a “weak” ken “iyakin” dagiti agtutubo ita nu idilig iti henerasyon daytoy.
Maipalagip a dinakamat ni Senator Padilla nga idi panawen daytoy, saan nga uso ti balikas a “depression” saan a kasla ita nga addun dagiti ubbing a mangar-aramat iti nasao a termino iti hearing ti Senate Committee maipapan iti Children’s Safety in Social Media Act.
Impetteng ni Dr. Gladys Samonte Canillo, maysa a psychologist, psychometrician ken professional teacher, a saan a mabalin a maibaga a kinakapoy ti panagbalin a vocal dagiti agtutubo nu mental health ti mapagtutungtongan.
Sigun kenkuana, posible a saan laeng nga nabatad daytoy kadagiti napalpalabas a henerasyon.
Impettengna metlaeng a ti depression ket saan a panag-inarte gapu ta posible a ituntunda metlaeng daytoy ti social media pressure, cyberbullying, ken iti academic ken economic stress.
Innayonna nga imbes nga awagan a nakapoy, kasapulan kitdi a denggen ken i-giya dagiti agtutubo.
Sigun pay kenni Canillo, addu dagiti pada na a propesyonal a nakasagana a tumulong nangnangruna kenni Senator Padilla tapno adadda pay a maawatanna ti mental health ken mapalawa ti perserktibona seknan iti nasao nga isyu.
Innayonna pay a pati daytoy ket nakasagana daytoy a maki-one-on-one kenni Senator Padilla tapno maipaayanna ti advice ti nasao a senador seknan iti mental health. // Bombo Karen Calpoe Sapirao
