Naawis ti atension dagiti sumagmamano a Pilipino iti social media gapu iti tribal art shop online a nakabase idiay California a mangilaklako ti walis tambo.
Iti social media ti mammanday linteg a ni Emil Marañon, nakakabil ti maysa a webpage ti Morgan Oakes Gallery a mangilaklako ti “autentic tribal art, decor, fashion ken custom bases.”
Naitampok iti webpage ti atiddog a walis tambo manipod Pilipinas a naaramid babaen iti runo ken “natural fibers” idi maikadua pulo a siglo.
Mailaklako daytoy iti US $575 wenno P33,350.
Ti walis tambo ket addaan iti espasio iti tengga, a mangipasimudaag a nadadaelen gapu iti pannakausar daytoy.
Iti panaglabas ti panawen, maluklukayan ti dadduma a walis tambo nangruna iti handle daytoy gapu iti kanayon a pannakausar a kas ti naiparang ni Marañon iti social media.
Nakaala ti 4,700 likes, 1,000 reposts ken nasurok walo pulo a komento ti nasao a post.
Dagitoy dagiti sumagmamano a komento manipod kadagiti Pilipino:
“Gagi, ‘di na ‘to magagamit pangwalis eh.”
“Ampagkakaminahal?
“20th-century naman daw, lol,”
“It’s vintage, hence the price po!”
“Perfect daw kasi ‘yung pagkakahati sa gitna. Maitabi na nga mga used walis tambo namin,”
“‘Pag ganito na ‘yung walis, tinatapon na.”
Iti uneg ti pagtaengan, dua ti kita ti walis nga ar-aramaten ti maysa a pamilya.
Maysa kadagitoy ket ti “hard broom” wenno walis tingting bayat a ti maysa ket ti “soft broom” wenno walis tambo.
Ti walis tambo ket para iti panagwalis iti uneg ti pagtaengan bayat a ti walis tingting ket mausar iti ruar ti balay tapno mangwalis iti dadakkel a rugit a kas ti bulong.
