--Ads--
Inwaragawag ti Philippine Atmospheric, Geophysical and Astronomical Services Administration (PAGASA) nga adda ti maysa wenno dua a bagyo a dumalapos iti pagilian inton umay a bulan.
Kabayatanna, dua wenno tallo met a bagyo ti posible a mapasaran iti pagilian inton Hulyo, Agosto, Setyembre ken Oktobre bayat a maysa wenno dua iti bulan ti Nobyembre ken Disyembre.
Pakabuklan a sangapulo agingga sangapulo ket tallo a bagyo ti manamnama ita a tawen.
Daytoy ket sigun pailaeng kenni PAGASA Senior Weather Specialist Rusy Abastillas bayat ti climate forum idi kalman, Mayo 22.
Gapu iti daytoy, mabalballaagan ti publiko nga agsagana iti posible nga epekto dagiti sumangbay a bagyo.
