--Ads--

BAGUIO CITY- Nakemmeg ken naipilaan ti kaso a panagrames ti maysa a cook kalpasan a sinerrek ken rinamesna ti maysa a balasang iti kwarto daytoy sadiay Aurora Hill, Baguio City.
Ti biktima ket agtawen ti sangapulo ket siyam, tubo ti Pangasinan ken residente iti nakapasamakan ti insidente bayat a ti suspek ket agtawen ti tallopulo ket uppat, cook, naasawaan ken residente metlaeng iti nasao a lugar.
Maibasar iti imbestigasyon, alas otso ti rabii idi March 12 ket simrek ti suspek iti kwatro ti biktima, linabusan ken rinugianna a rinames ti biktima.
Kinuna ti biktima a pinandagan ti suspek ti rupana iti pungan tapno saan daytoy a makapukkaw a nangitunda met tapnu makigtotna.
Iti follow-up investigation dagiti pulis, dagus a nakemmeg ti suspek bayat a naiturong met iti pagagasan ti biktima.