Nasarakanen dagiti otoridad ti maysa kadagiti dua a flight data recorder wenno blackbox iti natnag nga Air India passenger plane.
Sigun iti civil aviation minister, nasarakanda ti blackbox iti crash site ti Ahmedabad.
Agtultuloy metlaeng ti panangsapulda iti maysa a blackbox iti nasao a lugar.
Personal met a binisita ni Indian Prime Minister Narendra Modi ti lugar a natnagan ti eroplano.
Rinugian metten dagiti imbestigador manipod idiay United Kingdom ken Estados Unidos ti panangsukimatda tapno maamuan ti rason ti insidente.
Nangisayangkat met ti panagsindi ti kandila dagiti residente nga asideg iti lugar kas panakisimpatia kadagiti biktima.
Dumanon iti walo nga indibidual ti pimmusay iti lugar nu sadinno ti natnagan ti eroplano.
Maipalagip a kellaat a natnag ti Air India sumagmamano a minuto kalpasan a nag-take off paturong idiay London.
Iti 242 a linaon ti eroplano, maysa laeng ti “survivor” a maysa a Briton a ni Vishwashkumar Ramesh.
