--Ads--
BAGUIO CITY – Natiliw ti maysa kadagiti Regional Top 10 Drug Personality ti Police Regional Office Cordillera kalpasan a nagpositibo ti naiyemplementar a search warrant sadiay Lacnog, Tabuk City, Kalinga itay laeng nabiit.
Nabigbig daytoy a ni Sabado Baclas Chapas alyas Sabado Baclas Gayudan, 37-anyos.
Kabayatan ti implementasyon ti search warrant iti pagtaengan ni Chapas, nakumpiskar ti uppat a pakete ti maatap a shabu nga agdagsen ti 8.4 grams ken aggatad ti nasurok P48,000.
Sumangsangon ni Chapas iti kaso a panaglabsing iti RA 9165 wenno ti Comprehensive Dangerous Drug Act of 2002.
