BAGUIO CITY – Nagsabong iti napalabas a bulan ti maysa a sakura tree a naimula sadiay Paoay, Atok, Benguet idi napalabas a tawen.
Gapu iti daytoy, naklaat dagiti Japanese experts manipud Kochi Prefecture, Japan a nangipatungpal iti inspeksyon sadiay gaputa ninamnamada nga agsabong dagitoy kalpasan ti tallo agingga iti lima a tawen.
Segun kenni Edward Haight, maysa kadagiti caretakers ti Sakura Park, maysa kadagiti sakura tree a naimula nga addaan iti sabong ket addaan iti 100 percent a survival rate.
Nupay kasta, kinunana a sumagmamano kadagitoy ket saan pay a maipanamnama ti survival rate-da gaputa mabantayan pay dagitoy nga usto.
Impakaammona met a panggep manen ti pagilyan a Japan a nayunan dagiti sakura trees a naimula sadiay inton sumaruno a tawen.
Maipalagip a dua a klase ti sakura tree ti naimula iti nasao a parke, ti Yokiwari Sakura nga agsabong iti pink ken ti Sindaya Sakura nga agsabong iti puraw.
