Kiniddaw ti maysa iti uppat a manamnama a witness iti impeachment trial ni Vice President Sara Duterte nga iyakar iti dadduma nga aldaw ti panagtestigona gaputa adda iti dadduma a pagilian daytoy.
Sigun kenni House prosecutor Joel Chua, ni Rowena Mendoza iti Center for International Expositions and Missions ket saan a nagsanod iti panagtestigo ken nakasagana a makipaset iti dadduma a petsa.
Manamnama a mangipaay ni Mendoza iti impormasion seknan iti komunikasion iti Center for International Expositions and Missions ken Cale88, maysa kadagiti negosio a nadakamat iti Statement of Assets, Liabilities and Net Worth ni Duterte.
Kabayatanna, kinuna iti kampo iti bise presidente nga uppat a testigo ti isangoda ita a lawas, bayat a lima agingga innem pay ti posible a maipasango inton Disiembre.
Saan paylaeng a sigurado nu mismo a ni Duterte ti sumango kas testigo gaputa nakadependa daytoy iti agbalin a taray iti panagtingiting.










