BAGUIO CITY–Pimmusay ti maysa a kameng ti rebelde a New Peoples Army iti napasamak nga engkwentro iti nagbaetan ti 54th Infantry Battalion ti Philippine Army ken dagiti rebelde sadiay Mainit, Bontoc Mt. Province itay parbangun.
Sigun kenni Capt. Jefferson Somera, panakangiwat ti 5th ID, Philippine Army, agtultuloy ita ti hot pursuit operation dagiti militar kontra kadagiti nakarangetda a rebelde iti nasao a lugar.
Kinunana a nagpaud iti nasurok 40 a minutos ti napasamak a ranget a nagresulta iti panakatay ti maysa kadagiti rebelde.
Kinunana a duktuktalenda pay laeng nu adda pay dagiti
Posible a nadangran dagiti NPA bayat a natalged met ti benneg dagiti soldado.
Narekober iti encounter site ti sumagmamano nga igam nga imbati dagti nakatakas a rebelde.
Iti agdama ket dukduktalen pay laeng dagiti military nu ania a partikular a grupo wenno command ti rebelde nga NPA ti nakaengkwentro dagitoy.
