Nailista ti Bangued Municipal Police Station ti maysa manen nga insidente iti pammaltog sadiay Sitio Ram-ramot, Barangay San Antonio, Bangued, Abra idi laeng kalman.
Nabigbig ti biktima a ni Ronie Dumalen Bolante, agtawen iti 42, addaan iti partner, security guard, ken residente iti nadakamat a lugar.
Maibasar iti inisyal nga imbestigasyon, nakaturog ti biktima kaduana ti live-in partnerna a nabigbig a ni Janet Moreno De Castro idi nangengda ti nagsisinaruno a putok ti paltog iti 10:45 ti rabii idi kalman.
Kalpasan dayta, nakita ti live-in partner-na ti dara manipud iti ulo ni Bolante.
Gapu iti dayta, nagsagrap ti biktima iti sugat ti ulona a rason ti dagus a pannakatayna.
Nupay kasta, saanen a nabigbig dagiti biktima gaputa naglibas a dagus dagitoy.
Dagus met a nagresponde dagiti otoridad ken ditoy a narekoberda ti innem a fired cartridge cases ti Cal. 5.56mm ken ti dua a fired cartridge cases ti Cal. 45.
Iti agdama, agtultuloy ti imbestigasyon bayat a nakaalerto ken nangipatungpal metten dagiti amin a Municipal Police Stations pakairamanan ti Mobile Forces ken intel operatives iti PNP checkpoint ken dragnet operations para iti dagus a pannakabigbig ken pannakatiliw dagiti suspek.
