Pinatay dagiti soldado ti Israel ti maysa nga agtutubo a Palestinian-American ken nadangran ti dua a dadduma pay iti nasakupan a West Bank idi rabii ti Domingo, sigun kadagiti opisial ti Palestinian.
Daytoy ket kalpasan a kinuna ti militar ti Israel a puntiriada ti maysa a grupo a nagbato kadagiti kotse.
Sigun kenni Ramallah governor Laila Ghannam, nabigbig ti pimmusay a lalaki, agtawen ti sangapulo ket uppat ken agnanaed iti Turmusaya, bayat a ti dua nadangran ket agtawen met ti sangapulo ket uppat ken sangapulo ket lima, ken agpada a lalaki.
Inlawlawag ti militar ti Israel a nagpaltog dagiti suldado bayat ti counterterrorism operation iti Turmusaya idi nakitada dagiti tallo a terorista a mangipurpuruak ti bato iti kalsada, nga iti dayta a gundaway ket napeggad dagiti sibilian nga agmanmaneho.
Imbinglay met dagiti suldado ti maysa a video a mangipakita iti pudno nga insidente nu sadinno makita dagiti tallo nga indibidual.
Sigun iti Palestine Red Crescent Society, napaltugan ti lallaki iti tian.
