BAGUIO CITY- Nadangran ti maysa nga agtutubo a swimmer kalpasan a kinursunadaan dagiti maatap a ” gang” idiay Melvin Jones Grandstand, Baguio City idi rabii.
Ti biktima ket tubo ti Tuding, Itogon, Benguet.
Sigun iti ama ti biktima, pasado alas sais ti malem idi kalman a napasamak ti insidente nu sadino manipud iti training ti biktima idiay Athletic Bowl ken agawid koma daytoy.
Kinamat dagiti maatap a gang daytoy ken inggaboda ken sinugatda ti makin kannigid nga ima daytoy.
Innayon pay ti ama ti biktima a daytoy ti umuna a gundaway a napasamak bayat ti masansan a panag-ensayo ti anakna.
Maibasar met iti panangiladawan ti ubing ket ka-edadna metlaeng dagiti suspek a posible a 15 agingga 17 anyos dagitoy.
Sigun pay kenkuana, saannan a dinepensaran ti bagina gapu ta nabannog daytoy manipud iti trainingna.
Iti agdama, natalged met ti kasasaad ti ubing.//Bombo Jerwin Aquino
