BAGUIO CITY-Nakomendaran ti maysa a jail inspector nga Igorot gapu iti ehemplo nga impakita daytoy sadiay Metro Manila District Jail, Camp Bagong Diwa, Taguig City.
Dinayaw ni District Jail Warden Jose Gemelo Taol ni Jail Inspector Rhys Dane Ivan Pawid gapu iti panagkedked daytoy nga umawat iti pasuksok manipud iti maysa a “High risk ken high profile” a drug inmate.
Inallukoy ni Jail Supt. Taol dagiti dadduma nga empleado ti Metro Manila District Jail a tuladenda ti inaramid ni Pawid.
Impetteng ni Taol nga obligasion ti amin a Pilipino ti tumulong tapno mapaksiat ti iligal a droga iti pagilian.
Ni Pawid a maysa a Cordilleran ket maibilbilang kas “True Partner for Change” wenno pudpudno a kabinnadang ti Duterte Administrasion para iti pannakaparmek ti iligal a droga ken para iti panagbalbaliw iti intero a Pilipinas.
