Nasentensiaan ti maysa nga Indian police volunteer gapu iti panangrames ken panangpapatay iti maysa a junior doctor iti ospital iti daya a siudad ti Kolkata,India.
Nasarakan ti bangkay ti babai iti uneg ti silid-pagadalan iti R G Kar Medical College and Hospital idi Agosto 9, 2024.
Saan a simrek dagiti sumagmamano a doktor idi napalabas a lawas tapno idagadag ti hustisia para iti babai ken nasaysayaat a seguridad ken parapubliko nga ospital.
Impaganetget ti defendant a ni Sanjay Roy idi Nobiembre nga inosente isuna ken na-“frame up” laeng daytoy.
Inulitna manen a kinuna ita a Sabado bayat ti panagdinggeg iti maysa a korte a saanna nga inaramid ti krimen.
Patien ti kampo ni Roy nga adda dagiti nakadkadlaw a saan a panagtunos kadagiti report ti imbestigasion ken forensic examination.
Ngem sigun kenni Judge Anirban Das, adda ti naan-anay nga ebidensia a nangpaneknek iti kaso kontra kenni Roy.
Naituding a maipablaak ti sentensiana inton Lunes, a manipod iti tungpal biag a pannakaibalud agingga iti dusa nga ipapatay.
