Pimmusay ni Antonio Ngun-ey Mara, 61-anyos kalpasan natamaan iti nargaay a daga ken natnag iti karayan sadiay sadiay Hummad, Fangkag, Barangay Caneo, Bontoc, Mountain Province idi laeng kalman.
Maibasar iti imbestigasyon, paturong ti biktima iti talon daytoy idi kellaat a nargaay ti daga a nagresulta iti panakatamana ken panakatnagna iti 60 agingga 80 a metro paturong iti karayan.
Naipasidong iti post-mortem examination ti biktima no sadino nabigbig a ti rason ti ipupusay daytoy ket gapu iti nasagrapna nga acute cranio-cerebral ken traumatic head injuries gapu iti napasaranna.
Inyebkas met ni Bontoc Mayor Jerome “Chagsen” Tudlong, Jr. ken Vice Mayor Eusebio Kabluyen ti pannakipagladingitda iti biktima.
Malaksid iti dayta, impasigurado dagitoy ti pannakatarimaan ti nasao a dalan tapno maliklikan manen ti kapada nga insidente.
Kabayatanna, nangipaay metten ti Bontoc Local Government Unit babaen iti Municipal Social Welfare and Development Office ken ti Municipal Disaster Risk Reduction and Management Office iti relief pack kadagiti pamilya ti nasao a biktima.
