Nadunor ti saka ti maysa a lalaki kalpasan iti napasamak a vehicular traffic incident iti interseksyon ti Bokawkan Road ken Naguilian Road, Baguio City.
Karaman iti nasao nga insidente ti maysa a Mitsokoshi Falcon motorcycle ken imanmaneho ti maysa a lalaki nga agtawen iti 20 ken residente ti Irisan, Baguio City; ken maysa a Yamaha Sniper motorcycle nga imanmaneho ti maysa a lalaki nga agtawen iti 30 ken residente ti Loakan Liwanag, Baguio City.
Sigun iti inisyal nga imbestigasyon ti pulisya, dumaldalyasat dagiti dua a motorsiklo manipud Bokawkan Road paturong idiay Yandoc Street.
Apaman a nakadanonda iti nakapasamakan ti aksidente, kellaat a naglikaw ti Falcon motorcycle tapno agovertake kuma daytoy.
Nupay kasta, nascrape ti crash guard daytoy iti kanawan a saka ti driver ti Sniper motorcycle ken iti angkasna, rason tapno makasagrap dagitoy iti minor injuries. Dagos met a naiturong dagitoy iti pagagasan para iti pannakataming dagitoy.
Kabayatanna, naiturong met ti driver ti Falcon motorcycle iti Baguio General Hospital para iti AB Test. Nagpalagip met dagiti otoridad kadagiti motorista nga agannad iti panagdaldaliasatda, nangruna iti panag-overtake. //via Bombo Khey Reparip
