--Ads--
Pimmusay ti maysa nga indibidual ken tallo ti nadangran iti napasamak a cargo plane crash iti Vilnius airport idiay Lithuania idi kalman, sigun kadagiti otoridad.
Dagos met a nagturong dagiti emergency responders iti nasao a lugar.
Naimatangan dagiti “firefighters” wenno bombero a mangibukbok iti danum iti asuk manipud iti maysa a pasdek nga agarup 1.3 km iti amianan ti runway ti airport.
Sigun iti pannakangiwat ti governmental National Crisis Management Center, ti eroplano ket nagtaud manipod idiay Leipzig, ket natnag iti maysa a balay.
Amin a tattao nga agtataeng iti balay ket nakalasat.
