BAGUIO CITY – Pimmusay ti maysa nga indibidual iti napasamak nga aksidente idiay Salpang, Taloy Sur, Marcos Highway idi rabii, December 18, 2023
Karaman iti nasao nga aksidente ti pampasahero a Nissan Van, Toyota Fortuner, ken Ford-ranger pick up.
Maibasar iti imbestigasyon, pasalog dagiti nadakamat a lugan idi naawanan ti preno ti Nissan van a nangitunda iti panagdidinnungpar dagitoy.
Nakalugan iti nasao a van ti sangapulo ket uppat nga indibidual pakairamanan ti driver.
Dagus met a naitaray iti ospital dagiti nadangran a pasaheros.
Sigun pay iti Tuba MPS, maysa a pasahero ti van ti pimmusay bayat nga adda ti maysa a pasahero nga adda ita iti kritikal a kasasaad.
Naiturong met iti kustodiya ti kapulisan ti driver ti nasao a van.
Iti agdama ket dukduktalen dagiti awtoridad ti danyos iti nadadael a lugan ken manarimaan ti imbestigasyonda para iti pakabigbigan ti pimmusay nga indibidual.//Jez Lapizar
