BAGUIO CITY- Malamlamayan ita ti bangkay ti maysa nga indibidual bayat nga agpatamtaming iti pagagasan ti tallo a daduma pay kalpasan a naaksidente dagitoy sadiay Bontoc, Mt. Province idi kalman, Abril 14.
Nabigbig ti pimmusay a ni Estefania Padcayan, 58-anyos bayat a nabigbig dagiti nadangran a da a Rosa Ridao, 71 anyos; Kenneth Sokoken, (driver) 47 anyos ken ni Annie Pag-ang, 36 anyos.
Maibasar iti imbestigasion, dimmar-ay dagiti nadakamat biktima iti kallaysa sadiay Maligcong, Bontoc Mountain Province ken paawid koma dagitoy sadiay Mainit, Bontoc, Mountain Province idi napasamak ti aksidente.
Naamoan a nag-overtake ni Sokoken agingga a napukawan ti kontrol a nangitunda iti panakatnagna ti imanmanehona a lugan iti rangkis nga addaan ti kauneg a 20 metro.
Dagus a naiturong dagiti biktima iti Bontoc General Hospital ngem naideklara a pimmusay ni Pacdayan.
