Nailista ti maysa nga insidente iti grass fire ita a Holy Week idiay Purok 6 Barangay Pinsao Proper, Baguio City.
Iti interview ti Bombo Radyo iti imbestigador ti Bureau of Fire Protection Quirino hill, naipadamag kadakuada ti nasao nga uram iti 9:35 AM ita nga aldaw, April 19, 2025 ken naidiklara a fire out iti 10:37 AM.
Maibasar iti inisyal nga imbestigasyon ti BFP, dumanon iti mapattapatta a 1 ksqm. ti nauram.
Karaman kadagiti napuuran ti adu a pine trees.
Nupay kasta, awan ti nadangran nga indibidual iti napasamak nga insidente.
Kabayatanna, ti agtagikua iti lote ket adda idiay Manila bayat a ti care taker daytoy ti nabati sadiay.
Iti agdama, manarimaan paylaeng ti kanayunan nga imbestigasion dagiti otoridad iti rason iti napasamak nga uram.//via Bombo Novey Organao
