Agtultuloy latta ti panagbinnales iti atake iti Iran ken Israel sipud nangrugi daytoy idi Biernes.
Ita laeng nga aldaw ket maysa nga Iranian state television ti natamaan iti rocket nga impatayab iti Israel nu sadino, naala iti live broadcast ti panagbettak bayat nga agsarsarita ti maysa nga anchorwoman.
Makita iti video ti dagus a panagpanaw ti anchorwoman iti tugaw daytoy kalpasan ti explosion.
Gapu iti dayta, kinondenar ni Iranian foreign minister spokesman Esmaeil Baqae ti nasao a panag-atake nu sadino, immapela daytoy iti international community a mangikalikagum iti hustisya gapu iti panag-atake iti Israel iti media.
Impeksa met iti Committee to Protect Journalists ti dismayada iti tignay iti Israel.
Mainaig iti dayta, immuna met a nangipaiyulog iti evacuation warning ti Israeli military partikular iti paset iti central Tehran seknan iti nasao a panag-atake nu sadino, karaman kadagiti adda iti nasao a disso ti nasao nga state television kasta metten ti Iranian police headquarters, ken dadakkel a pagagasan.
Maipalagip nga idi Biernes, nangipatungpal iti Israel iti inawaganna a “preemptive attacks” idiay Iran partikular iti nuclear, missile ken military complex daytoy a nakaitunda iti ipupusay dagiti sumagmamano a nabileg nga indibidwal sadiay.
