Naideklara ti measles outbreak sadiay Lanao Del Sur, Maguindanao Del Norte ken Sulu.
Sigun iti Department of Health (DOH), dumanon iti 2,600 ti pakabuklan a kaso ti measles iti pagilian nangrugi idi September 2023.
Agarup 1,400 a kaso ti measles ket nailista sadiay Bangsamoro Autonomous Region in Muslim Mindanao (BARMM).
Inlawlawag ti World Health Organization (WHO) a ti measles ket makaakar a sakit babaen ti panag-uyok, panag-atching ken daytoy ket mabalin a mangitunda ti komplikasyon wenno rason para iti ipupusay ti maysa a tao.
Kabayatanna, indeklara ti Department of Health ti Blue alert ken ti panakabakuna dagiti uubbing manipud kadagiti agtawen ti innem a bulan iti pagilian.
Mapalpalgipan met ti publiko a ti bakuna maipapan iti measles ket libre.
