Makidkiddaw kadagiti kameng ti media nga coverage iti Panagbenga 2026 nga agala dagitoy iti media accreditation manipud kadagiti organizers ti nasao a piesta.
Iti interview ti Bombo Radyo kenni Andrew Pinero, Media Committee Chairman ti Baguio Flower Festival Foundation Inc. (BFFF INC.), kinunana a dagiti laeng accredited a media ti mapalubusan nga agcover iti rota ti parada ken Melvin Jones.
Impetteng daytoy a kasapulan nga adda ti ID tapno mabigbig dagitoy a lehitimo a media nga akreditado dagiti organizers.
Kabayatanna, maipaayan dagiti dadduma a saan a kameng ti media iti gundaway nga agcover.
Nupay kasta, limitado laeng iti maysa a lokasion ti mapalubusan para kadagitoy.//mp4